Ninnia Ninnia, Cor’amatu

Testo: Petr’Alluttu – Musica: Bernardo Deriu

Solista: Bernardo Deriu

 

Ninnia Ninnia, cor’amatu

drommiti chi lu sonnu ti ristora

sugghj lu latti dulci e profumatu

da lu pettu di mamma chi t’adora

chi t’ha pultatu in sinu e t’ha pinatu

cu lu puderi di nostra signora

cantu t’adora ti possia

lu nutrimentu a pudett’ammannà.

 

Lu latti chi ti da lu sinu meu

sia pal te lu manfanu lu me oru

pal fatti crisci sanu e senza neu

di la pareta’nvidia e decoru

dugna solti di bè ti di deu,

di babbu e mamma toia lu trisoru

l’oru a calasci tenghi in casa toia

e una dama sia la cioia.

 

Cantu bram’eu lu babbu divinu

pal cant’è manna la so maistai

t’assistia e ti dia lu caminu

in modu chi no possi faddhi mai,

lu latti chi t’è dendi lu sinu

sia balsamu a te e bonitai

l’alligria chi ti da lu me cori

siani pal te,  fiddholu, rosi e fiori.

 

Lu mastru ti cunzedia iltù

cantu grani di rena v’ha in mari

vi sia sempri paci un di sé tu

andini sempri bè li affari

abà mi cagliu e no t’anninnu piu

chi sé beddh’e drummitu a cantu pari

li doni rari chi t’agghju bramatu

so doni d’una mamma chi implora.

 

Ninnia, Ninnia, cor’amatu drommiti chi lu sonnu ti ristora.

Ninnia, Ninnia.