Gosos de Santu Semprije

Testo: Don Michelino Derosas – Musica: Bernardo Deriu

Solista: Bernardo Deriu

 

Mind’ischidat s’aurora e penso a su samben santu,

a tie semprije mantu de sa fide ammajadora.

 

Su christos ch’as tantu amadu,

t’hat leadu coro e mente

e ischis chi su presente,

lu cheret pro s’affanadu

e ricambiat su passadu,

in corona a s’ultimora.

 

Preighesti ch’est sienda una vida immaculada,

a dogni bene votada de su coro pastu e prenda,

sa chi nd’istrazza sa benda a chie ch’est ruta fora.

 

Fis mastru e cun calore,

faeddesti de feridas

dai te sas preferidas,

che medaglias de valore

pro ch’a tie fit lugore,

 cudda fide appagadora.

 

Has risu de sas torturas,

siguru che lastru in chelu

t’haeret giuttu su zelu,

de sos dies tuas puras

chi fin beranu e dulcuras,

lughe a sera benidora.

 

 

Mind’ischidat s’aurora e penso a su samben santu,

a tie semprije mantu de sa fide ammajadora.